CIRCULAR 4_12/13

CIRCULAR INFORMATIVA 4_2012/13

11/12/2012

O 21 de decembro é o último día de colexio neste longo ano 2012, nas portas do inicio do agardado Nadal. Neste tempo de lecer especial todos aproveitamos para pasar tempo coas nosas familias e ver sorrir a todos, especialmente as nenas e nenos.

Dende o comedor queremos facer unha festa do Nadal diferente na que compartir e gozar o noso tempo cos máis pequenos.

A festa consistirá nun "Ti SI QUE VALES"

O obxectivo é que dende casa, os nenos e nenas preparen coas súas nais, pais, tías, tíos, avós, avoas, irmás, irmáns... un espectáculo co que poidamos divertirnos e compartir unhas risas. Non é necesario ser un bo bailarín, nin un bo cantante, simplemente é necesario te ganas de pasalo ben cos nenos e coas nenas.

Pódense presentar domadores de pulgas, desafinadores, cantantes de panxoliñas, modelos, cómicos, retranqueiros, imitadores,...

Intentaremos contactar con Papa Noel para que faga de xurado e vexa o ben que se portan e colaboran tanto grandes coma pequenos. (Voluntario/a requerida/o)

Para poder organizalo ben, necesitamos saber con quen imos contar: inscríbite ate o día 17 ás 19:00 hs. A forma de inscrición será tan sinxela como avisar á responsable de comedor, Eva, de que estades interesados en participar e cantos serán os compoñentes do espectáculo.

Por último dicir que o "TI SI QUE VALES" terá lugar a partir das 16:15 hs no mesmo comedor, con entrada de balde. Dámosvos as grazas de antemán a todos por participar e animámosvos a perder a vergoña por un día.

BO  NADAL