UNHA PREGUNTA

Moitas respostas.

Con permiso, reproducimos a resposta por correo-e a unha pregunta dunha nai. Neste caso da última que se interesou por saber algo que precisaba. Grazas Amalia.

Ola Amalia,  

o calendario escolar o di con claridade. O curso comeza o 1 de setembro e as clases en Educación Infantil e Primaria comezan o 11 de setembro, salvo casos especiais.  

Pero si hai unha diferencia entre E. Infantil e Primaria. No noso cole, o día 11 para E. Infantil, é un día de presentacións coas nais e pais, para cada idade dos nenos/as nun horario distinto. Os de 4ºEI (tres anos) teñen a partir do 12 un período de adaptación que este curso durará ate o día 20 inclusive, segundo sabemos a día de hoxe, no que irán incorporándose ao funcionamento normal aos poucos. O resto de EI comezarían as clases con normalidade xa o día 12. A referencia ao día 10, poida que veña do Colexio Novo, segundo nos comentaron esta maña compañeiras da Anpa de alí.  

Os servizos organizados e xestionados pola Anpa, comezan o día 11 ás 7:00 hs* da maña, ao completo. Incluíndo a atención aos nenos no período de adaptación, tamén este día 11, durante as presentacións. Este é un servizo sen custe repercutido para os usuarios inscritos. 

Se mo permites, quixera facer desta conversa unha entrada no blog, quitando a referencia á túa persoa (ou sen quitala), de maneira que poida servir para todas as familias.  

E de paso comentaremos que algunhas das obras continuarán durante este inicio do curso, para finalizar entre outras cousas a instalación das pérgolas que cubrirán os pasos entre un pavillón e outro. Isto suporá durante algún tempo cambios nos traslados dos nen@s dun lado a outro, tamén para os servizos que nós xestionamos. En calquera caso, estarán ben sinalizadas e coas correspondentes medidas de seguridade.

Xuntamos enlaces a orde de calendario escolar no DOGA e ao enlace para descargar o folleto informativo do colexio onde se incluén algunhas das cousas que aquí comentamos. E aínda non está para este curso, pero podedes ver na web o anuncio do anterior sobre o inicio do curso (cambiade 12 por 11...). E de paso, aproveitamos para incluir tamén o enlace ao Regulamento de Réxime Interno, que nunca está de máis coñecelo.

Calendario Escolar

Folleto Informativo CEIP

RRI

Saúdos,
XD

*Evidentemente, para os que estén inscritos segundo as condicións publicadas.